logo

Prenzipal Adibir web Escribe-nos Rechistra-te Nobedaz
Achenda y combocatorias
Conferenzias, cursos, chornadas, concursos literarios, conziertos,...
Congreso d'a AIDLCM
Presentazión de libro en Zaragoza sobre María Moliner
Premio Pirene de periodismo pirenenco
VIII Premio "O Gua" de narrazions infantils e chobenils
Charraire Fest


XXIII Congreso d'a AIDLCM

Os diyas 2, 3 y 4 de chulio se ferá en Barzelona o XXIII Congreso d'a Asoziazión internazional ta la esfensa d'as luengas y culturas menazadas. En o Consello d'a Fabla Aragonesa se i pueden tramitar as inscrizions: cfa@consello.org

Presentazion de libro en Zaragoza

El libro "María Moliner y las primeras estudiosas del aragonés y del catalán de Aragón", de María Pilar Benítez Marco, se presentará en la Casa de la Mujer del Ayuntamiento de Zaragoza (Don Juan de Aragón, 2) el martes 15 de junio a las 20 h.

Premio Pirene de periodismo pirenenco

A. L’ochetibo de o premio Pirene ye promober un millor conoximiento de a reyalidá pirinenca en toz os suyos aspeutos. Pueden optar a o premio Pirene os treballos periodisticos (de prensa, arradio u telebisión) que seigan estatos publicatos u esparditos entre l’1 de chulio de 2009 e o 30 de chunio de 2010 e que faigan referenzia á cualsiquier aspeuto rilazionato con os Pirineyos.

B. Os treballos que opten a o premio se pueden elaborar en cualsiquier luenga d’uso de o Perineyo (catalán, franzés, castellano, euskera, aragonés, oczitano u aranés) Tamién s’adempribian treballos en inglés.

Ta fazilitar a leutura á o churato, se solizita que os treballos en euskera s’acompañen d’una traduzión (á o castellano, catalán u franzés).

C. S’establexen dos categorías seguntes o soporte: Prensa escrita e Meyos Audiobisuals. De os treballos de prensa ye menister presentar a o menos un orichinal de a publicazión, chunto con 4 copias de sobrebuena calidá. Os d’arradio e telebisión cal que seigan presentatos por quintuplicato, grabatos en compact-disc u DVD e acompañatos de o zertificato d’emisión correspondién firmato por o/a direutor/a de a emisora. En o caso d’una serie, l’autor deberá presentar solamén un capetulo. S’adempribian treballos esparditos en Internet.

D. Ta partizipar en o Premio Pirene, cal achuntar á os treballos aspirans o formulario d’inscrizión firmato, con os datos d’os suyos autors u representans legals (nombre e renombres, adreza, e telefono u correu eleutronico de contauto), antis de o 31 de chulio de 2010:

BIBLIOTECA PÚBLICA
Edifici Prada Casadet, baixos
AD500 Andorra la Vella
(Principat d'Andorra)

Incluyendo-bi a indicazión de que concurre á o premio Pirene.

E. A dotazión d’iste premio Pirene ye de 6.010 € alportatos por o Gubierno d’Andorra, de os cuals 3.005 € serán ta un reportache d’arradio u telebisión y 3.005 € ta un reportache de prensa escrita.

F. O churato será formato por presonas profesionals de o mundo de a comunicazión en as espezialidaz de prensa, arradio e telebisión, asinas como representans de o Gubierno d’Andorra.

G. O churato podrá eszeuzionalmén prener en considerazión, con o consentimiento prebio de os autors, treballos en cualsiquier modalidá de o premio que en a suya opinión s’adauten a o esprito de o premio, anque no s’aigan presentato a o mesmo.

H. O churato siguirá o prozedimiento de botazions una dezaga d’atra dica otener una mayoría de botos á fabor d’un reportache determinato. O premio puede no estar achudicato. A dezisión de o churato ye inapelable.

I. A dezisión de o churato se dará a conoxer en o mes de nobiembre de 2010.

J. Toz os candidatos á o premio Pirene autorizan á ra Biblioteca Publica d’o Gubierno d’Andorra á publicar e reproduzir as propuestas finalistas e/u premiatas á trabiés d’os meyos de comunicazión, arradio, telebisión, ez. D’a mesma traza os candidatos autorizan á ra Biblioteca Publica d’o Gubierno á promozionar as suyas respeutibas pachinas web, e á o rabés, sin pretender a otenzión de garra dreito por a espardidura d’istas.

K. Os treballos no premiatos podrán estar retiratos de a Biblioteca Pública del Govern un mes dimpués de a proclamazión de o premio y en os tres meses siguiens.

L. A presentazión de os treballos aspirans a o premio presuposa l’adempribio d’istas bases e de os dreitos e obligazions que se’n deriban de as mesmas.

Ta más informazión:
tel.: + 376 828750
e- mail: bibliopublica@andorra.ad
web: www.pirene.ad

VIII Premio “O gua” (2010) de narrazión infantil e chobenil

O Consello d’a Fabla Aragonesa fa o clamamiento d’o VIII Premio “O Gua” de narrazión ta ninos e ninas, que se reglará por os siguiens

REGLES DE PARTIZIPAZIÓN

1. O premio se fa cada tres añadas. Iste güeiteno clamamiento corresponde á 2010.
2. Os treballas que se i presienten serán ineditos e pueden estar un solo cuento u falordia u bien diferens narrazions curtas.
3. Podrá estar escritos en cualsiquier modalidá d’aragonés, pero en toz os casos, siguindo correutamén as normas graficas de l’aragonés.
4. As falordias u narrazions serán ta ninos e ninas e mozez e mozetas de 6 ta 12 añadas. Se balurará muito espezialmén o caráuter didautico, asinas como l’achustamiento d’o bocabulario e as construzions á ra edá.
5. L’amplaria d’o testo será d’entre 20 e 50 fuellas, á dople espazio (entre 50.000 e 125.000 carauters).

6. Os treballos podrán lebar debuxos (á una tinta, de 14 zm d’amplaria por 14 zm d’altaria, u proporcional a ixas midas, tanto en bertical como en orizontal). Encara que no ye obligatorio, ye consellable que biengan con debuxos. O Churato balurará a suya calidá e a conchunzión con o testo.
7. Os treballos podrán estar feitos por una persona u por barias.
8. Os treballos s’endrezarán ta: Consello d’a Fabla Aragonesa, VIII Premio “O Gua” (2010), trestallo postal 147, 22080 Uesca. No se i meterá o nombre d’os autors u atoras. S’achuntará una carpeta zarrata, con o tetulo d’a obra en o esterior, drento d’a que se cuaternarán os datos d’os autors u autoras (espezificando-bi quí ha feito ro testo e quí os debuxos, e a suya edá).

9. O plazo d’entrega d’orichinals rematará o día 30 de setiembre de 2010.
10. Bi abrá dos premios: a) uno ta mayors de 14 añadas, con un pre en metalico de 600 euros; b) un atro ta menors de 14 añadas, que consistirá en una colezión de libros en aragonés.
11. Se ferá a edizión d’as obras ganaderas, con un menimo de 500 exemplars, por a editorial Publicazions d’o Consello d’a Fabla Aragonesa d’alcuerdo con as normas graficas de l’aragonés emologatas en abril de 1987. Publicazions d’o Consello d’a Fabla Aragonesa s’alza os dreitos d’edizión tanto en aragonés como en cualsiquier atra luenga. As obras no pas premiatas quedarán en propiedá d’o Consello d’a Fabla Aragonesa de no meyar demanda en cuentra por parti d’os autors u autoras drento d’o plazo d’un mes dende que se faiga publica a dezisión d’o Churato.

12. A dezisión d’o Churato, que ye inapelable, se ferá saper publicamén en o mes d’otubre de 2010.
13. O Churato podrá dezidir no atorgar o premio á denguna d’as obras presentatas u atorgar bel aczésit, si lo creye combenién.
14. O feito de partizipar en iste premio presuposa l’azeutazión d’istos regles de partizipazión.

CONSELLO D’A FABLA ARAGONESA
Trestallo postal 147, 22080 Uesca
Abenida de Os Danzantes, 34, baxo. 22005 Uesca
corr.el: cfa@consello.org

Charraire Fest

L’ochetivo ye a celebración d’una chornada festiva de sensibilización, socialización y visibilización d’a reyalidat trilingüe aragonesa.
Se ferá o sabado 12 de chunio en Pandicosa, en o Pirineo aragonés, con a
celebración de diferents actividatz culturals y socials mientres tot o diya.
O publico ta que o que en ye endrezato ye mesmo fablants d’as diferents luengas emplegatas en Aragón como o publico en cheneral que ye intresato en amanarse enta la cultura aragonesa, más que más, ta las suyas manifestacions
lingüisticas minoritarias.

Se organizarán varios espacios arredol d’os que chirará a chornada. Un escenario ta actuacions musicals, un espacio de tallers y actividatz culturals, servicio de bar, y una carpa-mercato ta asociacions culturals.
Totas as actividatz programatas tendrán como eche a sensibilización arredol d’a realidat trilingüe aragonesa en as suyas diferentz modalidatz.
A programación pertocará diferentz ambiestas de población: ninons, chovens y adultos.

Ta tot ixo, a participación d’as diferentz asociacions que treballan arredol de l’aragonés será una parti alazetal, consiguindo con a suya colaboración
a elaboración d’un plan d’actividatz conchunto. A ideya ye profundizar en o metodo emplegato por atras luengas minorizatas, como por exemplo a escocesa, en a que a borina chira arredol d’una ripa d’actividatz que as asociacionsparan mientres l’anyo con os suyos alumnos y ixe diya las representan debán de totz os asistents. D’ista traza, a programación ye
compartita por totz, mesmo en o suyo planteyamient como en a suya puesta en practica.

A chornada se completará con charradas, actividatz d’animación y mosica de nueit.

http://www.charraire.org

Prenzipal Adibir web Escribe-nos Rechistra-te Qui somos
Diseño feito ta Internet Explorer y 800x600
© 2002-2010 Charrando.com

Rechistra-te:


Rechirar en Charrando.com



 


 
 Pachina empezipie
 Adibir en faboritos
 Recomienda-nos
 Escríbe-nos
 Qui somos