logo

Prenzipal Adibir web Escribe-nos Rechistra-te Nobedaz
A tuya finestra
 "T'aspero" y "Biache per Noruega"
 Per Nieus Luzía Dueso Lascorz
 

[Nota: cuan se leye un testo en chistabino no se prenunzian as erres zagueras]


T'aspero

Con l'alma rendida
De tanto asperar-te
Y es güellos perdius
De tanto buscar-te
Me trobo perdida.
No sé a qué man chirar-me.
No sé t'an pegare
Ni tampó qué fere.
Per an espiare
Ni per an correre.

Toz es camins beigo
Igual de imposibles.
Son plens de ixordigas,
Son plens d'artos berdes,
Plens de barzas negras
Y de fornigueres.
I hai que rancar broza
Per tot an que pegues.
Oy, de güena gana
Pegarí ta Franzia
A bé si trobabe
Más luz que en España.

¿T'an bas barrenada?
me gritó una loira.
La paz cal trobar-la
Drento tú amagada.
Que, anque ye la paz
Ye tamién la bida.
Sin fer aparatos
Sin dezir ni un ripio,
Trobarás el cabo
Y el fin del chubillo
Ye bilando Dios
Sin dezir ni un ripio...

No cal que te'l diga
Tiens que presentir-lo.
Te grita aspaziet
Que te quiere muito.
Te'l grita en las cosas
Te'l grita en es fetos
Te'l grita cuan gozas
Te'l grita cuan sufres.
Te'l grita cuan callas
Y, anque fayas ruido.
¿qué foi sin querer-lo?
Más bale morir-se
Que está sin tener-lo.

Que el quiero querrere
Como nadie ha quiesto.
Que'l quiero tenere
Rodiando-me eterno
Per sieglos y sieglos
De eterno consuelo.
¡Bendito sía Dios
que podén querrer-lo!


Biache per Noruega

Eslampando en un ferry per las auguas
Limpias y claras como espiellos nuebos,
Es fiordos de Noruega yeren biendo,
Rodiaus d'aspros chelés y lomas pardas.

El fiordo Sognefjorden nos paixeba
Tan largo, fondo, quieto y adormido
Un suenio d'augua azul que s'ha perdido
Entre boiras, y churros y altas leras.

Y, bebendo silenzios, luzes, peñas,
Lugarez abrigaus en las laderas...
Y, alto al cabo, cheladas, nieus perpetuas.

La Noruega d'es fiordos... ¡Qué zereñas
Se'n baixan de l'altura, cantaderas
Aquelas fuens, en canzions eternas!

Prenzipal Adibir web Escribe-nos Rechistra-te Qui somos
Diseño feito ta Internet Explorer y 800x600
© 2002-2010 Charrando.com

Rechistra-te:


Rechirar en Charrando.com



 


 
 Pachina empezipie
 Adibir en faboritos
 Recomienda-nos
 Escríbe-nos
 Qui somos